Mimlija bil-ġonna, il-Furjana hija tabilħaqq “Ġenna ta’ Ġonna” fir-reġjun tant dens tal-Port il-Kbir. Imma l-Furjana għandha iktar minn hekk x’toffri. Il-Furjana hija mimlija b’bini storiku, knejjes u l-akbar ammont ta’ monumenti ta’ importanza nazzjonali f’Malta.

Id-disa’ edizzjoni ta’ Ġenna ta’ Ġonna se ssir il-Ħadd 13 ta’ Ottubru 2019 bejn id-9.00 a.m. u l-5.00 p.m. Bil-kollaborazzjoni ta’ aktar minn 40 entità, il-Furjana se tiftaħ il-ġonna popolari u dawk moħbija, mużewijiet, siti u bini storiku li normalment ma jkunux miftuħin għall-pubbliku.