Fil-Kamra tal-Banju u l-Kamra Tal-Ħasil

Meta t-toilet iqattar ma tisimgħux! Kun ċert li darba f’sena tiċċekkja biex tara hux ħiereġ ilma mit-toilet. Itfa’ ftit qtar tal-kulur tal-ikel fit-tank tal-flushing. Jekk tara l-ilma bil-kulur fit-toilet dan ifisser li qed iqattar l-ilma.

Jekk għandek toilet tradizzjonali poġġi flixkun tal-litru fit-tank tal-flushing biex tnaqqas il-volum tal-ilma meta tifflaxxja, jew ibdel għal sistema dual-flush.

Jekk il-’flapper’ tat-toilet mhix tingħalaq sew wara li tifflaxja, ibdilha.

Iġbor il-ħwejjeġ tal-istess kulur jew tal-istess materjal flimkien biex tuża ċiklu tal-ilma effiċjenti.

Meta taħsel il-ħwejjeġ bl-ilma kiesaħ tkun qed tiffranka l-ilma u l-enerġija, u tgħin biex il-ħwejjeġ iżommu l-kulur.

Meta tkun qed taħsel idejk, wiċċek u xagħrek agħlaq l-ilma waqt li tkun qed togħrok bis-sapun.
Għallem lit-tfal biex jagħlqu l-ilma tal-vit sew biex ma jaħlux ilma. Ippremja lit-tfal meta jagħmlu affarijiet li jnaqqsu l-konsum tal-ilma.

Jekk tagħlaq il-vit waqt li tkun qed taħsel snienek tiffranka ħmistax-il litru ilma fil-minuta, li jfisser 760 litru fil-ġimgħa għal familja ta’ erbgħa.

Meta tkun qed tistenna li jibda ħiereġ l-ilma sħun, erfa’ l-ilma kiesaħ biex tużah għall-pjanti.

Agħlaq l-ilma meta tkun qed taħsel xagħrek u tkun qed tiffranka mas-600 litru fix-xahar.
Ħu doċċa ta’ anqas minn ħames minuti minflok tieħu banju.
Jekk il-vit tal-banju/doċċa jimla barmil li jesa’ erba’ litri ilma f’inqas minn għoxrin sekonda, ibdel il-vit biex ikollu inkorporat miegħu aerator jew wieħed li fih funzjoni ta’ ‘Eco-stop’ biex tikkonsma inqas ilma.

Qabel jinħaslu, ħafna nies jiftħu l-ilma biex jiċċekkjaw it-temperatura imma m’hemmx bżonn tagħmel hekk jekk tinstalla l-water heater (geyser) viċin is-shower. Waqt li tkun qed tinħasel, naqqas il-fluss jew il-pressa biex tiffranka l-ilma.

Biex tiffranka l-ilma dum inqas minn ħames minuti biex tinħasel.

Jekk tkun id-dar jew f’lukanda, erġa’ uża l-istess xugaman.

Pariri oħra minn din il-kamra

Fil-Kamra tal-Banju

Ftakar biex tiċċekkja li x-shower head mhiex tqattar meta tkun magħluqa.

Ixtri aerator għal kull vit li għandek fid-dar. L-arjatur jifrex il-fluss tal-ilma li jkun ġej mill-vit tiegħek fi qtar iżgħar. Dan jipprevjeni t-titjir tal-ilma waqt li fl-istess ħin inaqqas il-konsum u jżid l-fluss ta’ l-ilma.

Jekk ix-shower timla iktar minn barmil ta’ erba litri f’inqas minn 20 sekonda, biddel ix-shower head għal waħda li jkollha aerator jew it-Pulsating Technology.

Meta timla l-banju, agħlaq bit-tapp qabel tiftaħ l-ilma. Irranġa t-temperatura waqt li jkun qed jimtela l-banju.

Meta tuża tissue itfagħha fil-landa taż-żibel minflok tifflaxxjaha. B’hekk tkun qed tiffranka l-ilma kull darba.

Agħlaq is-sink minflok tħalli l-ilma miftuħ meta tkun qed tlaħlaħ ix-xafra tal-leħja u tiffranka mal-1136 litru fix-xahar.

Meta tkun qed taħsel idejk, agħlaq l-ilma meta tkun qed togħrok is-sapun.

Banju mimli jkollu bżonn sa 265 litru ilma.

Kull qatra fis-sekonda tfisser dsatax-il litru kuljum!

Ara l-viti u x-shower heads humiex iqattru.

Fil-Kamra tal-Ħasil

Aħsel bil-magna tal-ħasil mimlija. Il-magni tal-ħasil ikunu l-aktar effiċjenti meta jkunu mimlijin. Jekk ma timliex il-magna għandek taħsel inqas ta’ spiss jew ixtri magna tal-ħasil b’kapaċità iżgħar.

Uża programm għall-ħwejjeġ tal-qoton minflok dawk sintetiċi. Biex tnaqqas it-tikmix, il-programmi sintetiċi jużaw 50% aktar ilma mill-programmi għall-ħwejjeġ tal-qoton.

Tlaħlaħx il-ħwejjeġ iżżejjed. Jekk il-programm tal-ħasil jagħmel tlaħliħ żejjed, dan ovvjament se juża aktar ilma milli hemm bżonn.

Meta tixtri magna tal-ħasil ġdida ikkumpara l-iffrankar fir-riżorsi fost il-mudelli Energy Star.

ara s-suġġerimenti kollha